
	Главная	Market	by VELCOM	by МТС	by DIALLOG	by БеСТ	by Белтелеком	Оборудование

Разделы :

Connected by Velcom

Connected by МТС

Connected by БелСел

Connected by БеСТ

Connected by Белтелеком

Оборудование

Рынок мобильной связи Беларуси :

Интересное :

Партнеры
! Блог о сотовых операторах

Рекомендуемое
! bsu.name - информационные технологии в магистратуре.

2007-07-26 Еўрадыё даследавала Wi-Fi-кропкi ў Мiнску

Еўрадыё вырашыла высветліць, на якіх лавачках Мінска можна карыстацца інтэрнетам. Тыдзень назад пачалася праца бездротавых сетак. Захапіўшы з сабой ноўтбук з падтрымкай Wi-Fi, я рушыў па маршруце: гасцініца Юбілейная, Планета, Мінск, Кастрычніцкая, Чыгуначны вакзал.

Седзячы на паркане ў двадцаці метрах ад гасцініцы Кастрычніцкая, я змог лёгка наладзіць інтэрнет на высокай хуткасці. Файлы закачваліся па 90 – 100 кілабайт у секунду, а тым часам я слухаў Еўрадыё ў рэальным часе. Але гэта аказалася самая хуткая кропка сярод усіх астатніх у горадзе. Адыйшоўшы ад будынка яшчэ на 20 метраў, якасць сігналу амаль не змянілася. Ля Рэзідэнцыі захавалася стабільна высокая хуткасць загрузкі файлаў.

Потым вырашыў падыйсці да тэатру Лялек, а гэта больш за 60 метраў ад уваходу ў гасцініцу. Інтэрнет працаваў без збояў. Ля кінатэатру “Піянер” камп’ютэр знайшоў Wi-Fi сетку на адлегласці 120-130 метраў. Гэта значыць, што прэзідэнт, супрацоўнікі кінатэатру “Піянер”, тэатру Лялек, гістфаку, а ттаксама рэзідэнцыі, чые вокны выходзяць у бок гасцінічнага комплексу, могуць смела карыстацца інтэрнетам..

Самая ж вялікая плошча пакрыцця аказалася на чыгуначным вакзале. Тут насамрэч на кожным паверсе можна, седзячы за гарбатай ці кавай вывучаць прасторы інтэрнету. Тое самае можна рабіць ў радыюсе 60-70 метраў ад галоўнага корпуса вакзала, а таксама на супрацьлеглым баку вуліцы Бабруйскай. Але ж хуткасць тут падае да 10-20 кілабайт у секунду.

Ля гасцініцы Юбілейнай, Беларусь ды Планета, найбольш зручна сядзець на бліжэйшых лавачках на адлегласці 20-30 метраў.

У бліжэйшы тыдзень Wi-Fi з’явіцца ў гасцініцах Агат і Спадарожнік. Таму жыхары прылеглых да гатэля дамоў могуць смела спрабаваць падлучыцца да інтэрнету.

Цяпер сеткі Wi-Fi працуюць у тэставым рэжыме. "Белтэлекам" дазволіў напрацягу некалькіх месяцаў бясплатна імі карыстацца.

– Людзі зацікаўлены. І чым хутчэй яны прывыкнуць да Wi-Fi, тым болей кропак мы будзем адкрываць. Як мы будзем тарыфікаваць высветліцца хутчэй за усё да зімы. Тое што доступ будзе па картках – гэта дакладна. А для якіх катэгорый грамядзян ён будзе платны,ці бясплатны, гаварыць яшчэ рана. Хутчэй за усё, гэта будзе тарыфікацыя па колькасці скачваемай інфармацыі.

Еўрарадыё даведалася, што ў новым навучальным годзе студэнтам будзе чым заняцца на лекцыях, ёсць планы правесці Wi-Fi ва універсітэтах. Канешне, калі з гэтым згодзіцца міністэрства адукацыі ці рэктары універсітэтаў.

Прэс-цэнтр “Белтэлекам”:

– Да пачатку студэнцкага перыяду можа ўжо дзе і будзе: у БДУ ці іншых якіх універсітэтах. Першае слова будзе залежыць не ад нашага боку, але хутчэй ад рэктараў, нават, думаю, хутчэй ад міністэрства адукацыі.

Даведка Еўрарадыё:

Wi-Fi – тэхналогія перадачы дадзеных на радыёхвалях. З'явілася ў 90-х гадах. У цяперашні час Wi-Fi актыўна выкарыстоўваецца пры стварэнні зон бяздротавага доступа ў інтэрнет.

Для таго, каб падключыцца да сеткі Wi-Fi у сваім партатыўным камп’ютэры трэба мець Wi-Fi – адаптэр. Звычайна усе новыя мадэлі маюць гэты адаптэр і падтрымліваюць пратакол бяздротавай перадачы дадзеных.

Пасля неабходна праверыць, ці пастаўлены драйверы на кампутары. Яны звычайна пастаўляюцца ў інсталяцыйным дыску да ноутбука ці знаходзяцца ў базе драйвераў аперацыйнай сістэмы. Пасля таго, як вы праінсталюеце драйверы, не запамятайце зняць блакіроўку на корпусе камп’ютэра, ці ў BIOSe.

Кропкі Мінска, дзе ёсць бясплатны Wi-Fi:

Кропка у Мінску

Фактычная хуткасць скачвання на адлегласці 10-15 метраў* (кілабайт ў секунду)

Максімальная працоўная адлегласць а будынка з Wi-Fi (у метрах)

Каментар для найлепшай хуткасці

г. «Юбілейная»

50 – 60

30 – 40

лавачкі з лева ад уваходу

г. «Беларусь»

25 – 60

30

непадалёк ад увахода

г. «Планета»

20 – 35

40

нязручны падыход хіба, што на лавачках ля ўваходу, ці на паркане ля фантанаў

Чыгуначны вакзал

20 – 30

50 – 60

парканы побач, кавярні ўнутры

г. «Мінск»

80 – 90

20

побач няма лавачак, можна на паркане з кветкамі размясціцца

г. «Кастрычніцкая»

70 – 75

50 – 130

на парканах Кінатэатру Піянер, Тэатру Лялек, ля падыходу да гасіцініцы

*Максімальная хуткасць доступа для аднаго карыстальніка пры вопытнай эксплуатацыі складае адзін мегабіт у секунду.